2026-yil 24-sentabr kuni Boysun tuman 6-sonli bolalar musiqa va san’at maktabida Mahorat darsi yuqori saviyada o‘tkazildi. O‘zbekiston Respublikasi Madaniyat vazirining 2025-yil 26-sentyabr kunidagi “Ijod maskani” turkum tadbirlari hamda “mahorat darslari”ni o‘tkazish to‘g‘risidagi 456-son buyrug‘i hamda viloyat Madaniyat boshqarmasining 2026/2027 o'quv yili davomida taniqli madaniyat va san'at nomoyondalari ishtirokida "Mahorat darslari"ni tashkil etish bo'yicha reja jadvaliga asosan tashkil etilgan ushbu darsda Tojikistonda xizmat ko'rsatgan artist, Tojikiston xalq hofizi, “O‘zbekiston xalq maorifi a’lochisi”, “Madaniyat va san’at fidokori” ko‘krak nishoni sohibi Xayrulla aka Nasriddinov ishtirok etdi. “Xalq qo‘shiqlarining an’anaviy xonandalik yo‘nalishida tutgan o‘rni” mavzusida o‘tkazilgan mahorat darsida o‘quvchilar xalq qo‘shiqlarining an’anaviy xonandalik yo‘nalishidagi ahamiyati, ularning o‘ziga xos jihatlari haqida qimmatli bilimlarga ega bo‘ldilar.