🎼 2026-yil 29-sentabr kuni Boysun tumani 6-son bolalar musiqa va san’at maktabida 1-oktabr — “O‘qituvchi va murabbiylar kuni” munosabati bilan “Ustoz yaxshida” nomli bayram tadbiri yuqori saviyada tashkil etildi. Tadbir davomida ustoz va murabbiylarning musiqa va san’at yo‘nalishida yosh avlodga ta’lim-tarbiya berish yo‘lidagi fidokorona mehnatlari, o‘z kasblariga bo‘lgan sadoqati va jamiyat hayotidagi beqiyos o‘rni alohida e’tirof etildi. Tadbir davomida maktab o‘quvchilari tomonidan ustozlarga bag‘ishlangan kuy-qo‘shiqlar, milliy cholg‘u ijrolari, zamonaviy va milliy raqslar namoyish etildi. O‘quvchilar tomonidan ijro etilgan har bir kuy-qo‘shiqlar hamda raqslar ustozlarga bo‘lgan samimiy hurmat va minnatdorlik tuyg‘ularini ifoda etdi.
Tadbir davomida yosh avlodni musiqa va san’at sohasida tarbiyalashdagi xizmatlari e’tirof o‘qituvchilarga maktab ma’muriyati tomonidan Surxondaryo viloyati madaniyat boshqarmasining faxriy yorliqlari topshirildi. Bayram tadbiri ko‘tarinki ruhda va bayramona kayfiyatda o‘tdi.